使用條款 | 私隱政策

真人真事:請個正常人真係好難!

你哋呢班打工仔,成日以為老闆剩係識得指住你來鬧,究竟你有冇問過自己,有冇做好打工仔呢一個角色。

人到三十幾歲,身邊好多原本只係打份工的朋友,開始成立了一些小小的工作室,一嘗做老闆的滋味。但當去到要請人呢個位,你就會發現一個真相,就係「呢個年頭要請一個正常人,真係好X難!」

因為原本interview 正正常常的人,可以一到返工果陣,就變咗另一個人,以下全部都係真人真事。

  • 事例一:朋友A係公司老闆,有一次經熟人介紹下,請咗一位面試時表現正常的後生仔,返工第一日都表現正常,正常對答、工作態度正常、做晒嘢問佢慣唔慣佢答「幾好」、放工同佢講byebye佢答「聽日見」。但係第二日呢位後生仔從此唔見咗,打極電話都唔聽,send email問佢乜事又無回音,搵咗佢足足一星期,最後只好列入「失蹤人口」,從此雙方不拖不欠。
  • 事例二:對唔住,又係後生仔,第二日返工開始「擺陣」,細睇原來就係擺咗一個電話座在電腦旁邊,不過唔係方便做嘢打電話,而係方便自己開住個手機game「自動波打仗」,老闆話返工做乜打機?呢位後生仔答「我開住喺度,個game自己打緊,我冇玩」。然後又有一次,老闆行過見到呢個後生仔開住個facetime,屏幕上出現一位女仔,二人全程無出聲,只係得閒就望住對方做嘢,唔知以為佢哋係牛郎織女。
  • 事例三:你鬧我?我唔睬你。今次呢位主角係後生女,又名溫室小花,因為做錯嘢俾老闆鬧,然後佢選擇同老闆冷戰,一個星期唔同老闆講嘢,西口西面對住老闆。等到嬲完之後,終於施捨一句說話俾老闆,就係「我原諒咗你」,老闆一時反應唔切,只係覺得好荒唐。更離譜係老闆叫你做額外工作,例如由原本你唔使管人,慢慢要求你學習管人,然後你第一句就問老闆「我做多咗呢樣嘢,有咩好處?」老闆聽完又滴晒汗。

如果仲有更絕的「不正常人類」,歡迎舉報。

來源:朋友經歷

10個即叮面試行為

===================

19網輕鬆爆料熱線,歡迎舉報老細同事19惡行,立即click入去講畀我哋知啦

最近的19+幾樣野

【扮工收風】要幫老闆做路線圖

職場引入女性尿兜?

氣溫15度 令工作效率大跌

【扮工收風】上司被逼放兩日無薪假

【扮工收風】老師支Apple Pencil 遭私了

【扮工收風】內地專才 碩士畢業叫價一萬幾

【熱話】被炒⋯派唔派散水餅

【扮工收風】被裁員工賤過地底泥?

網民憂港航空姐失業

【扮工收風】聽林鄭講買樓 點知剛被炒