【扮工上位學】8招令你睇起嚟好有料

扮工嘅精髓,除咗要扮忙,仲要識扮有料。咁樣上司就唔敢亂老點你,同事亦唔會睇小你。要令自己睇起嚟好打得,好有能力,其實一啲都唔難,望吓身邊啲同事就知道。假如你係扮工初哥,有外國職場專欄教路,只需簡單8招,人人都做得到。

1. 說話要夠快

早係1975年已有大學研究指出,比起講嘢慢吞吞嘅人,說話較快者能予人一種較有能力嘅感覺。事實上,1991年亦有研究指,講說話較快嘅人,係一場辯論或爭拗中,較易贏出,皆因對方相對獲較少時間去思考講者說話內容。

2. 女人要化妝

化妝係對對方嘅一種尊重,亦係女人表現自己嘅一種武器。2011年美國有大學搵來250位成人,去睇25張唔同妝容嘅女人相片,從素顏至濃妝都有。調查發現,化濃妝嘅女人被評為最有能力,而素顏嘅則被評為較無料嘅一群。

3. 男人要臉大

好多人覺得臉大唔好,但據2015年一項究,問到一堆參加者,佢地認為邊個男人會贏出舉重比賽時,結果顯示,臉子較闊嘅男士,較多人認為佢會勝出。所以闊臉嘅男扮工友,唔好再自卑啦。

4. 平時要扮Cool

原來係扮工室黑面扮Cool,好過做窩心同事。據2009年一個心理研究指出,睇落Cool啲嘅人,畀到人一種較有實力嘅感覺,所以Cool得起;相反,平時好窩心體貼嘅暖男、暖女就無感啦。

5. 遠拍Profile Pic

現時唔少社交媒體,都係建立專業扮工形象嘅渠道之一。係2012年刊登於《PLOS ONE》嘅研究,發現從4.5英呎遠嘅距離拍出嘅Profile Pic,能夠畀到人有能力、可靠同有吸引力嘅印象;至於從1.5英呎近拍出來嘅,觀感則完全相反。

6. 搞笑睇場合

早前有研究指,扮工友有幽默感,有助其上位。不過,講笑係要睇場合。一旦係錯場合,就算做對事,成件事都係錯晒。

7. 公文不要emoji

今年刊登係Social Psychological and Personality Science研究,指出公司電郵中使用emoji嘅人,會被視為能力低嘅人,因為搞到份公文好似變咗同朋友Whatapps緊咁隨便。

8. 要多請教人

有唔識要問人,可以撞少啲板外,仲可以令自己睇起來好有料。事關2015Harvard Business School嘅研究,安排170名大學生做一連串電腦tasks,結果顯示,有出聲問其他人意見嘅人,獲評為較有能力嘅一群。研究人員解釋,因為當你在問對方忠告時,係確認對方嘅智慧同經驗,呢種交流使對方感覺良好。

可惜,若然是管理層,仲要係男生,就未必適用。因另有研究指,男上司太常搵人幫忙,會畀人一種無乜料子嘅印象。

來源:BI

===================

19網輕鬆爆料熱線,歡迎舉報老細同事19惡行,立即click入去講畀我哋知啦

最近的19+幾樣野

【扮工爆料】女新人一入職去旅行

外國調查:1/5人曾偷同事飯盒食

【有圖有真相】麥當勞當Office而不失霸氣

【熱話】你有無陷入「扮工低潮」

【熱話】乘客機上自瀆 男Crew要抹?

扮工友10個Promotable跡象

【AI革命】睇穿求職者幾時想跳槽!

【離地廣告】開心搭港鐵 真係得?

扮工錦囊:別寫這些「趕嚇」履歷

【統計】有幾多人一日打兩份工?