香港出現過好多個職場研究調查，但都唔及台灣做的職場研究咁中Point！

話說台灣最近有個研究係關於職場冷感症的發作高峰期，仲有受訪者同企業回饋，真係唔睇得都笑得。

根據台灣yes123求職網調查顯示，高達85.8%上班一族進入職場後，曾出現「對工作失去熱情」症狀，以台灣當地就業人數890.6萬人推算，罹患過「職場冷感症」的人，恐怕有成764萬人。

調查顯示，引發「職場冷感症」的主因，第一名係「工作付出與薪水常常不成正比」，佔50.7%；第二名係「同一份工作做咗好耐，覺得無癮」，佔47.2%；第三名係「公司升遷制度唔公平，長期無得改善」，佔44.2%，第四、五名分別係「工作壓力過大，承受唔住」 （33.2%），以及「工作內容與興趣不合，苦無發揮空間」（30.3%）。

呢啲原因都好正路，但最搞鬼係有受訪者提議職場冷感特效藥的配方，當中包括：平均每月加薪5,279元台幣（約1,300元港幣)、一次過放假26.4天等。

而在企業意見調查中，竟然有超過一半公司，即65.8%公司願意採用加人工策略，恢復員工工作熱情；亦有51%公司則願意以增加假期策略，挽回員工熄滅的心。

香港企業咁中意睇住市場數據辦事，如果多啲呢類反應咁「正面」的調查，香港打工仔心理及待遇上應該好過好多。

來源︰Cheers雜誌121期

19網輕鬆爆料熱線，歡迎舉報老細同事19惡行，立即click入去講畀我哋知啦