使用條款 | 私隱政策

台灣調查:返工想放工?兩招解決職場冷感!

香港出現過好多個職場研究調查,但都唔及台灣做的職場研究咁中Point

話說台灣最近有個研究係關於職場冷感症的發作高峰期,仲有受訪者同企業回饋,真係唔睇得都笑得。

根據台灣yes123求職網調查顯示,高達85.8%上班一族進入職場後,曾出現「對工作失去熱情」症狀,以台灣當地就業人數890.6萬人推算,罹患過「職場冷感症」的人,恐怕有成764萬人。

調查顯示,引發「職場冷感症」的主因,第一名係「工作付出與薪水常常不成正比」,佔50.7%;第二名係「同一份工作做咗好耐,覺得無癮」,佔47.2%;第三名係「公司升遷制度唔公平,長期無得改善」,佔44.2%,第四、五名分別係「工作壓力過大,承受唔住」 33.2%),以及「工作內容與興趣不合,苦無發揮空間」(30.3%)。

呢啲原因都好正路,但最搞鬼係有受訪者提議職場冷感特效藥的配方,當中包括:平均每月加薪5,279元台幣(約1,300元港幣)、一次過放假26.4天等。

而在企業意見調查中,竟然有超過一半公司,即65.8%公司願意採用加人工策略,恢復員工工作熱情;亦有51%公司則願意以增加假期策略,挽回員工熄滅的心。

香港企業咁中意睇住市場數據辦事,如果多啲呢類反應咁「正面」的調查,香港打工仔心理及待遇上應該好過好多。

來源︰Cheers雜誌121

===================

19網輕鬆爆料熱線,歡迎舉報老細同事19惡行,立即click入去講畀我哋知啦

最近的19+幾樣野

外國迪士尼 超窩心公仔演員

政府請研究「一帶一路」暑期工 時薪60蚊

《復仇者聯盟4》終令港人放棄返工

驚安之殿堂招聘曝光?「首100名應徵者」可獲精美禮物⋯⋯

【扮工收風】見工CV寫「中學曾做風紀隊長」

【做靚業績】國泰其實還可以解僱這些員工

【秘聞】酒店業最怕客人R著數

打不死有限公司請人?

【熱話】順豐仔月賺3皮?

有人借許志安過橋 招人入行揸的士