香港人人缺錢,工作又無乜出路。最近竟然連「食老綜」都成為話題,討論會唔會係時候,辭職靠政府?
有巴打問,既然傷殘綜援金每月都有接近5000蚊,何不領綜援?午餐晚餐揀食下午茶時段,又自由又慳錢,每月剩幾百,好過工作有壓力。
以下係打工仔精選回應:
- 你做1個月嘢,就可以買到自己嘅嘢﹗壓力嘅嘢好多人都有,但唔係大到冇人做﹗做唔到果份咪第2份囉﹗人生流流長,你咁樣,真係等死咋﹗
- 你打工搵一萬蚊住劏房,一樣係冇錢出國旅行
- 取決於自己想做一個咩人
- 喺香港若要生活好,一係做最有錢嘅人,一係做最窮
- 就算打工有機會炒魷,會遲出糧,但老綜就個個月準時出糧,啲糧只會加,吾會減
- 人生無夢想同鹹魚有咩分別
講到後來,仲有打工仔話,可以食住老綜去秘撈云云……但講真一句,傷殘人士都應該有自己嘅理想、尊嚴同生活。
來源:香討
延伸搜尋:
19網輕鬆爆料熱線,歡迎舉報老細同事19惡行,立即click入去講畀我哋知啦