使用條款 | 私隱政策

【HR的名單】Intern妹妹帶男友返工

踏入6月,正是大大小小機構的intern(實習生)返工的大日子。除咗辦公室男士有得期待吓靚女,OL有得接觸吓小鮮肉,令沉悶辦公室增添至少兩個月的年輕活力及生氣之外,intern同時亦為辦公室帶來唔少「生氣」!

【相關搜尋】神似桂綸鎂的醫學系intern

根據HR的名單,職場新人類有以下個案。

個案一:intern妹妹帶男友返工 PR公司請咗幾位intern,一返工剛好有event,所以搵埋intern妹妹落場幫手。估唔到係intern妹妹在event期間,不斷同一位男參加者雞啄唔斷,event完咗後仲有段時間消失咗,後來俾同事發現intern妹妹送埋果位男參加者離開event現場,先知原來intern妹妹大膽到帶男友返工,激到同事生蝦咁跳。

個案二:intern們食足兩個鐘飯 食完第一日返工的welcome lunch後,第2intern們自己出去食,竟然夠膽食足兩個鐘先施施然嘈喧巴閉咁返入office。問佢哋點解食咁耐?有intern竟然話:「我們好多人難搵位,等位都等咗大半個鐘,餐廳上菜又慢,所以食咁耐。」同事聽完又O咀。 

個案三:未做嘢就要求俾高分 依家唔少大學生都要做intern先畢到業,有唔少仲係要supervisor俾分。有intern3日返工,就已經恃熟賣熟,叫supervisor鬆手啲俾高啲分,講到明「大家都好做」。supervisor回佢一句:「我唔係你老師,俾分搵第2個。」 

請記住,公司並唔係學校,當你被逼成長後,就要扮晒努力工作啦。

===================

19網輕鬆爆料熱線,歡迎舉報老細同事19惡行,立即click入去講畀我哋知啦

最近的19+幾樣野

男女惡上司普遍特徵

柏林仔做警察好 還是做TVB好?

【扮工收風】大PR公司拖糧

最新﹗香港五大難做職業

吉野家小編抽水被炒

【扮工收風】社福機構唔出offer逼續約

【扮工收風】老闆感冒發燒 擦鞋同事送果籃

網民倡設「Degree最低工資」

【文憑試放榜】喇沙三狀元 全部想做醫生

【文憑試放榜】HR寄語揀好U 好過揀好科