最近小編見親HR朋友，佢都大鬧依家啲求職者唔帶腦見工，專做一些激嬲HR的愚蠢行為，令HR未面試都想勾走佢哋。以下係HR見一次嬲一次的狀況，求職者不妨睇吓中咗幾多樣。 

1. 約面試狂改時間，改完一次又一次。 
2. 電郵名改得差又寫得差，令人唔知究竟係O定係0，結果收唔到面試通知就打來死嘈爛嘈。 
3. 面試前不斷chok有幾多人有得面試，未in已經問幾時會通知有offer、招聘程序有幾長。 
4. 講明叫佢帶正本文件見工，但最後乜都唔帶又或者只帶影印本。 
5. 見完工又問多次幾時通知有offer。 
6. 返到屋企收到求職者水蛇春咁長的email，自我反省面試表現，然後一大堆感謝給予面試機會的對白，最後補問多句：幾時知結果。 
7. 每隔兩日就打來問一次幾時有結果、係咪已經俾咗offer，然後又話自己有幾個offer在手，要知大概通知時間來決定take唔take某個offer。 
8. 冇offer之後老羞成怒，打來問幾時會銷毀佢啲個人資料，再問點證明已經銷毀咗，其實咁做，隨時影響你下份工。 

睇完上述呢幾項，希望求職者唔好再做煩膠，否則好易被HR唱通街。祝大家早日有offer。

【相關搜尋】見工後等通知通常要等幾耐

19網輕鬆爆料熱線，歡迎舉報老細同事19惡行，立即click入去講畀我哋知啦