使用條款 | 私隱政策

外國調查:72%打工仔接受唔到 老細監視facebook

返工要對住一堆煩人和煩事,已經夠辛苦,如果連去個廁所,跟同事傾閒計,都要被人監視,咁同坐監根本無分別。事實上,據HR Metrics & Analytics Summit嘅新調查指,80%公司機構正使用員工記錄及數據資料,來衡量其工作表現。

雖然有85%受訪HR主管稱,公司已就收集員工資料問題,製訂了私隱和安全守則,但仍有48%受訪打工仔稱,唔相信僱主有保護其員工資料。至於佢哋唔信任公司嘅原因,包括係公司軟件唔安全、IT部門無能、僱主有錯放數據嘅「前科」、資料保護措施零透明度等。

該調查訪問了逾250位全球HR主管及打工仔,結果發現,一般打工仔唔介意公司收集同佢哋工作有關嘅資料,例如工作相關嘅電郵或電話。

不過,涉及非工作性質嘅私隱,打工仔女則普遍反對。72%受訪打工仔稱,接受唔到僱主監視其私人社交媒體賬戶;另逾半數嘅受訪者認為,僱主監視員工喺職場嘅一舉一動,以及和工作無關嘅私人交流,做法不當。

幾乎所有受訪打工仔(95%)稱,最想知道被公司儲存嘅個人資料,能否抵禦黑客入侵免被盜用,並希望僱主將收集資料嘅方法透明化,但求安心。

打工仔女都係人,連尊重私穩咁基本都唔識,幫呢啲老細打工,唔方會有好下場,早走早著啦。

來源:PR Newswire

===================

19網輕鬆爆料熱線,歡迎舉報老細同事19惡行,立即click入去講畀我哋知啦

【相關搜尋】如何知道公司是否有上網監控

最近的19+幾樣野

【突發】網傳巴士司機食煙照

【熱話】Starbucks$70請新年短工

香港又現西客 食一半拉絲熱狗想退錢

華為內部郵件:要放棄平庸員工

【流感局部停課】幼師自白:我仲慘過返工!

10yearchallenge 香港打工仔愈來愈苦

【扮工收風】公營機構主管 要下屬幫手買餸

【扮工收風】老闆跟風玩10yearchallenge

【人間有愛】外國麥當勞顧客 贈送老麥嬸嬸一架車

【熱話】琴行萬二蚊請十項全能員工