史丹福研究:港打工仔見工表現偏冷靜

見工時,要扮作鎮定穩重,定係表現雀躍好啲?美國史丹福大學有項研究指,僱主請人時,可能因為對方顯示情緒嘅文化差異,或對求職者造成偏見,影響招聘決策。

研究人員進行了5項研究,共找來1041位參與者。學者們將居住喺美國嘅歐裔及亞裔美國人,跟居港華人(包括非本地居民)嘅見工表現,進行了多項比較。

有個實驗係,參與者幻想要競爭一個實習機會,遞上申請表及自我介紹嘅視頻。結果發現,有86%歐裔美國人及72%亞裔美國人表現得較興奮和熱情;但同樣咁做嘅居港華人只有48%

例如填寫申請表時,歐裔美國人常用「我對這職位充滿熱情」、「我對這份工滿有熱情」等較興奮雀躍嘅方式,來表現自己。

至於另一個實驗,讓參與者反過來當老細來招聘實習生。結果指出,歐裔美國人希望求職者表現得雀躍一點,但居港華人較偏愛冷靜沉實嘅人;亞裔美國人嘅要求則介乎兩者之間。可見僱主因文化差異,對求職者嘅「最佳印像」有不同看法。

另一方面,研究人員向一間美國公司展示了3位資歷相同嘅求職者視頻,但表現情緒不一,分別展現興奮、冷靜和中立狀態。數據顯示,47%傾向請表現較興奮雀躍嘅人;話會揀中立和冷靜嘅人,則分別佔29.3%23.7%

所以,好冷靜和鎮定咁去見工,唔一定能成功,下次見工前,記得臨場一眼關七,搞清楚係華人定外國人,先好畀反應呀。

來源:Stanford


【相關搜尋】見工必殺技

===================

19網輕鬆爆料熱線,歡迎舉報老細同事19惡行,立即click入去講畀我哋知啦

最近的19+幾樣野

【扮工收風】同事請事假陪家姐坐月

【熱話】垃圾公司出完Offer又收返

外國研究證實:「藝術家」大腦較少受金錢刺激

【扮工收風】公司「親生仔」 低人工過新同事

【熱話】加埋過百歲的士佬 觀塘油站隻揪

外國調查:打工仔逾七成卡路里來自免費零食

【校園至抵價】$12000請水電牌校工

史丹福研究:港打工仔見工表現偏冷靜

【熱話】麥當勞外賣仔要送埋「生日快樂」