使用條款 | 私隱政策

【職場新發明】對正「恰眼瞓」員工狂吹冷氣

食飽飯飯氣攻心幾乎每日都發生,好多打工仔兩點幾就嚟料,開始「釣吓釣吓」,如果俾老闆見到,隨時捉入房照肺。

不過日本電腦開發商NEC就同空調生產商大金冷氣合作,發明了一個「唔俾員工恰眼瞓」嘅系統,運作原理就係靠AI,只要喺員工電腦加裝鏡頭,配埋AI,就可以判斷到員工係咪釣緊魚,如果感應到佢個頭「中吓中吓」,又或者電腦靜止咗十世,AI就會調校員工附近嘅冷氣系統,對準風口,開到大一大個冷氣,吹醒佢,慎防員工偷懶。

聽講呢個人工智能冷氣系統,會喺2020年啟用。

日本大金冷氣嘅測試仲發現,將冷氣系統的溫度由 27°C 下調到 24°C ,係最令員工精神爽利,可以抑制睡意達45分鐘以上。

不過呢個做法又似乎唔多環保,又會加重電源開支,加上一陣冷親員工,少咗個人開工,咪仲大鑊!相信香港老闆唔會搵自己笨嘅。

===================

19網輕鬆爆料熱線,歡迎舉報老細同事19惡行,立即click入去講畀我哋知啦

最近的19+幾樣野

外國調查:視老細為拍擋 打工仔增幸福感

【新發明】會令同事瞬間消失的「專心神器」

【扮工收風】公營機構又一單 請情婦做下屬

40歲以上打工仔 每週工時不宜超過30小時

外媒報道:世上最靚的空姐

【外國研究】對同事黑面 有助提升工作效率

【港鐵大塞】打工仔勤工獎損失 高達一億九千萬

【熱話】林鄭參觀小學 重點竟然是靚女Miss

【熱話】14周產假?僱主隨時行先過政府

【扮工收風】同事食lunch奇聞 無電子貨幣易被走數