使用條款 | 私隱政策

外國調查:45%打工仔稱 每日實質工作5個鐘

每日返足8小時都未夠,仲要晚晚OT,喺大部分香港打工仔嘅辛酸寫照。工作量過多係一個問題;但更多時候,人先係最大問題。老細和同事未動身走人,就算手腳快做好所有事,仍然唔敢先離座收工,怕有說話聽,怕會留下壞印象,只好委屈自己扮忙,將工作拖長來做。

事實上,據Workforce Institute 及 Future Workplace合作嘅調查指,有45%受訪打工仔女稱,如果工作時無受到打擾,每日實質完成工作,唔使5個鐘。

當然,重點係「如果」。皆因平時返工,會打擾到工作嘅事太多,例如被廢話連篇嘅老細捉去開會,被高談闊論聊八卦嘅同事嘈到,被超級麻煩嘅客戶纏住等;手機更是最大誘惑,隨手滑一滑,光陰便溜走。

該調查訪問了3000位來自北美、歐洲、澳洲和印度嘅打工仔女。結果顯示,在薪酬不變嘅大前提下,話會揀傳統5天工作週嘅人,僅佔28%;至於選擇3天和4天工作週嘅,分別佔20%和34%。

有得揀嘅話,邊個想日日返工啊?每週有個Long weekend,幻想一下都好開心,但對香港嘅打工仔女來講,係一個超級遙遠嘅夢,係時候要醒,因為又夠鐘開工啦。

來源:BI

【相關搜尋】搵工中伏大全

===================

19網輕鬆爆料熱線,歡迎舉報老細同事19惡行,立即click入去講畀我哋知啦

 

 

最近的19+幾樣野

【職場管理】理想同事的10個特質 要識照顧人

【扮工收風】同事一過試用期就大肚

【熱話】同學聚會:學歷低賺得多過學歷高

的士佬憤筆直書 業界八大現象

外國調查:肥同事收入 較苗條同事低

【扮工收風】上司請welcome lunch 但又Claim公數

瑞典研究:睡眠不足會令人緣變差

【熱話】眼鏡佬悲歌 踢爆四大惡啃位

外國調查:公司電腦死機是壓力根源

【扮工收風】老闆嫌男同事鼻毛長 命令勤修剪