使用條款 | 私隱政策

【施政熱話】聽到產假14周 準媽媽忍唔住喊

要數昨日令大部分女性打工仔都開心嘅事,莫過於特首將產假由以往嘅10周,大幅增加至14周,公務員仲要即日生效,有打政府工嘅朋友立即報料,話有大肚同事11月要生B,一聽到特首話公務員即日生效,即刻在自己位大喊出來。

朋友身邊同事都講句:誇張咗吓話! 

聽聞呢位公務員一早收到呢個「加產假」風聲,但同事都打定輸數,因為11月預產期,以為就算施政報告真係講咗,都要等一大段時間先生效,自己實無份。所以聽到一刻,呢位大肚打工仔喺位尖叫加大喊,雖然戥佢開心,但同事見到都有啲側目,尤其是意味其他同事要分擔佢嘅工作量。 

之但係公務員以外嘅其他大肚打工仔就唔好彩了,有得睇冇得食,whatsapp準媽媽群組已經「媽」聲四起,準媽媽即刻以「心理不平衡」為由而無心工作,準時收工。 

至於男同事及單身女上司,一諗到要幫人頂多4周,就已經生人勿近喇! 

===================

19網輕鬆爆料熱線,歡迎舉報老細同事19惡行,立即click入去講畀我哋知啦

【相關搜尋】放產假攻略

最近的19+幾樣野

外國調查:視老細為拍擋 打工仔增幸福感

【新發明】會令同事瞬間消失的「專心神器」

【扮工收風】公營機構又一單 請情婦做下屬

40歲以上打工仔 每週工時不宜超過30小時

外媒報道:世上最靚的空姐

【外國研究】對同事黑面 有助提升工作效率

【港鐵大塞】打工仔勤工獎損失 高達一億九千萬

【熱話】林鄭參觀小學 重點竟然是靚女Miss

【熱話】14周產假?僱主隨時行先過政府

【扮工收風】同事食lunch奇聞 無電子貨幣易被走數