使用條款 | 私隱政策

【扮工收風】公司飯堂 隨時洩漏你「蛇蹤」

秋風起,又係「蛇王」最佳時節,但唔好以為蛇王去公司飯堂食個tea會無事,以下就有一單公司飯堂的真人真事。

話說有公司飯堂老闆,同公司唔同部門同事都好好傾,於是不論早餐、午餐抑或晚餐OT,飯堂好快就儲起一班相熟嘅客仔。 

之但係飯堂老闆好大口,亦識得見人講人話,更加識得同唔同部門嘅老闆扮friend,甚至鍾意是非當人情。 

平日和藹可親嘅飯堂老闆,結果就成為同事死穴﹗

有一日,有部門主管去飯堂食早餐吹水,飯堂老闆講開部門好多同事成日都幫襯,於是部門主管打蛇隨棍上,乘勢打聽平日「條蛇」習慣咩時段幫襯,點知飯堂老闆鉅細無遺咁交代「蛇蹤」,包括有同事朝早成日遲到都堅持買早餐、有同事日日三點三準時落嚟食tea、有同事一食就食兩個鐘等等。 

呢單「報串」好快就被傳開,結果主管主動「打蛇」;同事知道咗之後勁嬲,發起齊齊杯葛公司飯堂,一次都唔再幫襯!結果飯局愈來愈少人,據說最後真係做唔住執埋……由第二間食店頂上。

其實同樣道理,都應用到其他公司,下次要hea,唔好去開主管去嗰間呀。

===================

19網輕鬆爆料熱線,歡迎舉報老細同事19惡行,立即click入去講畀我哋知啦

最近的19+幾樣野

【突發】網傳巴士司機食煙照

【熱話】Starbucks$70請新年短工

香港又現西客 食一半拉絲熱狗想退錢

華為內部郵件:要放棄平庸員工

【流感局部停課】幼師自白:我仲慘過返工!

10yearchallenge 香港打工仔愈來愈苦

【扮工收風】公營機構主管 要下屬幫手買餸

【扮工收風】老闆跟風玩10yearchallenge

【人間有愛】外國麥當勞顧客 贈送老麥嬸嬸一架車

【熱話】琴行萬二蚊請十項全能員工