使用條款 | 私隱政策

【熱話】眼鏡佬悲歌 踢爆四大惡啃位

每一行都有本難唸的經,今次主角落咗喺眼鏡佬身上。

所謂嘅眼鏡佬並唔係指視光師,而係賣眼鏡嘅sales。有行內人聲稱喺一間知名嘅眼鏡舖做咗5年眼鏡佬,因為眼鏡佬係世上最難做嘅sales之一,所以一直都想轉行,不過因為上晒手,變得冇乜動力。

之但係,近來佢終於頂唔順,數盡四大死啃位。 

第一,香港人對眼鏡既要求高到離晒譜: 例如間中會有人投訴鏡片花,一check 先知原來配咗3年。跟住個客就會同你講,佢上次眼鏡配咗10年都冇花,你呢個用3年就開始花,一定係你地啲鏡既品質有問題,仲話要去消委會告人。  又例如啲人成日要眼鏡輕,輕到好似冇戴咁,但係又唔知自己度數深,死都要揀啲圓框,講明好重都係要配。最後做完出黎又話重又話戴到頭痛,仲要賴你點解之前唔阻止。 

第二,眼鏡鬆緊,度數啱唔啱,呢啲除咗戴果個知之外,其他人係冇辦法知道。但有客人就拎呢樣嘢來攞著數。就好似有個客配眼鏡果陣有AB眼鏡,21,最後個客揀咗A,但3日後佢打黎話佢想轉B眼鏡,而鏡片已經車緊所以冇得轉,因為落咗刀嘅鏡形狀只能配A鏡框。賤招來喇,就喺呢位人兄拎眼鏡時,點幫佢校佢都係話鬆,又話度數唔啱好暈,擺明就係想乘機換鏡啦!眼鏡佬都只可以無奈接受。 

第三,眼鏡佬雖然只係一個sales,但實質工作其實係輔助性醫療,卻要求你有專業知識,係人工絕對唔應該包嘅專業知識,包括唔同款既鏡框、鏡片、鏡片功能(有過百種鏡片同鏡框你要知仲要不斷update),連眼疾、眼睛構造、度數加減呢啲視光師知識都要識,因為客人會問你,你唔識佢會就即刻走人。 

第四,零晉升機會: 一日眼鏡佬,一世眼鏡佬,唔好諗住可以好似幾十年前學師做視光師,因為香港視光師有發牌制,一定要在大學神科畢業先得。除非轉行,否則你一世都只係一個搵萬幾蚊嘅眼鏡佬,真係夠晒灰。 

來源:香討

===================

19網輕鬆爆料熱線,歡迎舉報老細同事19惡行,立即click入去講畀我哋知啦

最近的19+幾樣野

【職場管理】理想同事的10個特質 要識照顧人

【扮工收風】同事一過試用期就大肚

【熱話】同學聚會:學歷低賺得多過學歷高

的士佬憤筆直書 業界八大現象

外國調查:肥同事收入 較苗條同事低

【扮工收風】上司請welcome lunch 但又Claim公數

瑞典研究:睡眠不足會令人緣變差

【熱話】眼鏡佬悲歌 踢爆四大惡啃位

外國調查:公司電腦死機是壓力根源

【扮工收風】老闆嫌男同事鼻毛長 命令勤修剪