使用條款 | 私隱政策

【熱話】有辦公室設立室內電話亭

有冇打工仔都覺得每次在公司傾電話,不論公事定私事,傾嗰一刻,世界都好似因爲你而靜晒,然後全個office都好似聽住你講電話咁;收線後,同事就開始八卦…… 

「咁快book枱喇?情人節去邊食呀?」

「又同vendor拗交呀?今次衰邊瓣呀?」

「老闆又打來嘈呀?」

「點呀?又激嬲女朋友呀?」

諸如此類「偷聽」你講電話之後嘅八卦就隨之而來。有見及此,聞說有公司做裝修時,就索性為員工特登造個秘密電話亭,有晒獨立隔音功能,咁以後唔怕俾同事聽到啦!據了解內籠有埋雲端錄音功能,似乎方便員工做埋筆記。 

不過一眾網友似乎唔係咁欣賞老闆嘅「體貼」,仲話入親去咪俾全世界知道講緊秘密電話,最慘係個門口透明,更加吸引同事留意面部表情,然後開行turbo去估你傾緊咩。 

有人就建議公司不如整多啲房叫 focus room,俾員工講吓私人電話,之但係辦公室呎價咁貴,老闆睬你都傻啦。打工仔都係唔好得一想二喇。 

來源:香討

===================

19網輕鬆爆料熱線,歡迎舉報老細同事19惡行,立即click入去講畀我哋知啦

最近的19+幾樣野

【連登心聲】反送中後 公司無晒士氣

睇下有無共通點?PR阿頭三大惡行

的士冇生意 有排被壓價

【扮工收風】HR心諗:經濟差仲獅子開大口

同事回歸真誠對話 5大要點

【熱話】開酒吧唔係開社區中心

【熱話】外傭狐臭勁?僱主建議改變飲食習慣

【鬼節炒人】同事追住主管撒溪錢 叫「一路好走」

【扮工收風】同事漏糧單喺printer 成8萬蚊個月

【熱話】攬炒最不受影響 是什麼職業?