使用條款 | 私隱政策

【熱話】兩舊水請人搬五匹天花冷氣機

好多時,做下屬嘅人比起做老闆嘅人,更光明正大去剝削其他打工仔。以下呢個post就睇得好清楚,就係有員工奉公司之名,出價$200,想搵冷氣師傅或者善心人士,拆走餐廳部天花五匹冷氣,佢應該都自知係「侮辱價」,所以先打定底,講句「sorry」,然後就賴落公司,話公司只係俾到咁多,仲話拆完可以喺餐廳大吃一餐。

此帖一出,當然全城喊打,有人話屋企一匹冷氣都搬唔郁,呢部係五匹、仲要係天花,至少有三個風口機,擺明當冷氣師傅唔係人,唔尊重人哋嘅技能同勞力。

有人亦質疑呢位人兄拎公司做擋箭牌,助紂為虐,甚至有「中間濕腳」之嫌。心水清嘅網民就立刻搵返呢位人兄以前出嘅post,發現此人出手一向奇低。

試過$300想請人裝冷氣機,又係天花五匹分體冷氣,講明餐廳有3位樓面可幫拖,完咗又係可以喺餐廳大吃一餐。

近年愈來愈多人下海做炒散,每次見到呢啲壓價post,小編都覺得好心酸,其實要個合理待遇有幾難?

來源:facebook

===================

19網輕鬆爆料熱線,歡迎舉報老細同事19惡行,立即click入去講畀我哋知啦

最近的19+幾樣野

【扮工收風】收工後上司奪命追魂

上班族十大「謊言」

【扮工收風】有公司唔做appraisal

【熱話】消防請救護 頂薪7萬

【扮工收風】洋人上司有樣嘢唔好⋯

香港大學生要返深圳面試?

【扮工收風】兩公婆做老師係人生贏家

【發叔轉行】行山教練好唔好做?

【扮工收風】升職要重新考筆試面試

【扮工收風】呢個時勢仲要每人買$400禮物?