使用條款 | 私隱政策

【極品客人】食客嫌貴唔埋單兼負評

做飲食業,真係每日都膽戰心驚。

小編朋友做食肆老闆,竟然都要向我哋呢班打工仔,大呻自己食肆喺某食評App被人惡意刊登負評,有關負評指佢哋餐廳員工亂收客人錢,9人食飯$15000埋單,完全冇可能,仲話食肆員工服務超差…… 

朋友話,其實成枱客係一個熟客介紹,當晚佢哋12人嚟,全晚落order,包括刺身、和牛等,仲有清酒,大部分嘢食包括酒都係偏貴。 

事實係,當晚員工根本好好招呼。

當晚朋友同員工都覺得佢哋好豪,佢哋亦不斷一路食一路讚,師傅同佢哋都啱傾,見佢哋唔夠酒,仲送左支清酒俾佢哋。但直至埋單一刻,當時12人走剩3個人(已醉),見到張單時,突然勁黑面……  佢哋話真係冇諗過張單咁貴……仲話自己有人介紹,應該有折。

「我哋只係9個大人食嘢,2個小朋友食啲野都要計?」

10個大人入面有一個食素,邊有可能收$15000咁貴?」

員工開頭都有解釋,呢度唔係放題,唔理幾多人食幾多嘢,而係你叫咗幾多,事實上佢哋真係叫咗好多靚嘢食,仲有清酒…… 

本來收得工的員工講唔掂數,朋友出面後,都要屈服,最終都有打折,$12500埋單,平咗二千幾再送左支清酒,總共平咗約$4000,但個客依然好唔滿意,雖然都有埋單,但臨走仲用眼神表示超唔like班員工。 

結果兩星期後即上網寫負評,朋友當然嬲到震,後來經食評App員工調查後,終於獲刪除有關負評! 

好彩今次係老闆都心水清,出面幫員工,如果唔係,班員工又做了食客出氣替死鬼。

===================

19網輕鬆爆料熱線,歡迎舉報老細同事19惡行,立即click入去講畀我哋知啦

最近的19+幾樣野

如果今日老細請食月餅⋯

【扮工收風】內地工作文化來港

【扮工災難】辦公室小野終於出事

【扮工收風】同事跳槽唔講去向 上司散水餅都唔食

【扮工收風】明知中秋早放 又約開會

【熱話】家庭主婦提問:外傭應否減薪

【扮工收風】為偷懶假傳聖旨:「老細話你哋負責」

【熱話】年輕人的15K人生

【扮工收風】全職同事走晒 Freelance被走數

【老師熱話】學生情緒要搵出口