使用條款 | 私隱政策

【熱話】打工仔係貿易戰嘅輸家

話明中美貿易戰,第一時間影響嘅當然係貿易公司、航運業同廠家嘅生意啦。打工仔都忍唔住上網大呻公司俾呢場貿易戰搞到幾慘,除咗部門要開始交人頭、公司走咗人冇得請返、人工花紅凍過水之外,有公司好似就嚟做唔住咁。 

有做開航運業嘅打工仔就講返自己公司處境,話公司雖然接歐洲單,但生意額明顯少咗,有一單原本內地海運貨,更加因為貨量不足,要延期出運。 

亦有做開貿易代理嘅打工仔已經收到客人通知,話要設定長短期策略,首要影響緊係減貨,搞到代理佣金大減,但為保生意,代理都要照做。 

原因係貿易公司見到貿易戰嘅長期影響,所以開始要逐年減少內地買貨,改去越南、印尼、泰國等其他亞洲地區,變相貿易代理又要去四出搵廠,令出Trip成本增加,但commission 又冇加,然後成為貿易戰嘅輸家。 

仲未計一眾在股票市場投資失利嘅老闆,唔會再請下午茶,機會率由5%跌到去零,所以打工仔今鋪絕對有排捱呀! 

來源:香討 

===================

19網輕鬆爆料熱線,歡迎舉報老細同事19惡行,立即click入去講畀我哋知啦

 

最近的19+幾樣野

【扮工收風】收工後上司奪命追魂

上班族十大「謊言」

【扮工收風】有公司唔做appraisal

【熱話】消防請救護 頂薪7萬

【扮工收風】洋人上司有樣嘢唔好⋯

香港大學生要返深圳面試?

【扮工收風】兩公婆做老師係人生贏家

【發叔轉行】行山教練好唔好做?

【扮工收風】升職要重新考筆試面試

【扮工收風】呢個時勢仲要每人買$400禮物?