使用條款 | 私隱政策

傳6月12日會出現「射波」潮

 

打工仔通常一星期,總會有幾日唔想返工,然後「射波」,即係將工作推俾人做,自己用唔同籍口放假或者早收工。

每年513日,更加係「國際請病假日」,唔少外國打工仔都索性當呢日係病假,個個都話唔舒服要做慢啲。

唔知大家有無留意,有傳香港612日都會出現大射波日,身邊總有同事隨時唔返,點解呢?皆因呢排炒到沸騰騰嘅「送中」事件,有商戶發起罷工,有打工仔則索性改為大射波,據說已有人響應,612當日會扮病唔返,或者刻意降低生產效率。

如果當日有同事射波,你可以點做呢?

更早起腳

唔好幻想後發先至,當老細行出房門搵人做Excel,記得要立即扮晒唔識做,一齊射波,否則你一定要做埋同事嗰份。

動作假身

同事射波前一定會出假身,呢個時候要鬥假,去廁所切勿健步如飛,否則一定係你接波。最多個波等老細接返,踢中場嘅你,無理由走去守龍門。

回傳反彈 

度定藉口,以防不時之需,當同事話病要早收,你就話我約咗個客傾嘢,等老細自己做返,量老細唔敢一次過炒晒你哋。

尋找弱點

無人默許,波射唔長,所以上司是整場球賽的關鍵;好多上司,都只係上唔到位嘅中層,其實都想hea做,無差別叫下屬OT;你要利用上司心理弱點,煩到佢唔交波俾你。

總之一句,唔理大家有咩偷懶目的,但人射波者你亦要射,你唔偷懶,就會好多嘢做,記住呀﹗

===================

19網輕鬆爆料熱線,歡迎舉報老細同事19惡行,立即click入去講畀我哋知啦

最近的19+幾樣野

【連登心聲】反送中後 公司無晒士氣

睇下有無共通點?PR阿頭三大惡行

的士冇生意 有排被壓價

【扮工收風】HR心諗:經濟差仲獅子開大口

同事回歸真誠對話 5大要點

【熱話】開酒吧唔係開社區中心

【熱話】外傭狐臭勁?僱主建議改變飲食習慣

【鬼節炒人】同事追住主管撒溪錢 叫「一路好走」

【扮工收風】同事漏糧單喺printer 成8萬蚊個月

【熱話】攬炒最不受影響 是什麼職業?