使用條款 | 私隱政策

【熱話】做接待處去廁所都要聽電話

 

你只為接待處剩係做接待?唔好玩!話說有打工仔網上爆料,話自己最近轉咗新工,要做reception位,但就負責聽總機線。 

重點來喇,原來老闆要求佢無時無刻都要聽電話,就算去廁所、入pantry斟水叮飯,一兩分鐘時間都話要飛線落手機,坐喺屎塔接電話,因為老闆試過佢去緊嗰陣無人聽。

此外,老闆更要求電話響頭一兩下,就已經要聽,接電話要夠快。

但呢位打工仔好不憤,覺得佢返埋位見到來電紀錄,自然會覆返來電,無理由要咁。 而平日需要行來行去影印/執貨/做filing,就算打工仔聽到電話響行過去,都要時間。 

不過就有唔少前輩就覺得,老細係有啲道理,始終正職叫做receptionist嘅,就係做接電話/傳真,簽收貨物,待客通知引見。的確係要響幾下就要聽 (但你可以hold),忙起來15秒要hold7條線來寫memo ……但通常,其他嘅都係知會vip,駁入內線或者踢入錄音信箱。 

唔忙時就hold 線,再慢慢啜埋啖凍啡,先繼繼續問咩嘢幫到佢。 

有啲公司好啲,會行集體責任制,Set番響十吓未接,就飛去B同事電話,再飛C同事電話,之後再返番嚟。 

不過有心水清嘅網民就覺得,如果係份reception工有成兩萬至兩萬五嘅話,就勸佢忍咗佢喇。點解?因為You are well paid for it 囉!聽電話有呢個人工,要我去廁所隊線都絕對冇問題呀! 

來源:香討 

===================

19網輕鬆爆料熱線,歡迎舉報老細同事19惡行,立即click入去講畀我哋知啦

最近的19+幾樣野

【熱話】香港金融業漸漸夕陽

【扮工收風】大學秘書被老點執倉 憤然辭職

【扮工收風】施政出爐 地產經紀又贏

【熱話】在職媽媽的辛酸

【扮工收風】上司控訴外籍同事「睇唔起黃皮膚」

【熱話】的士司機過海怨氣大

【扮工收風】酒店業歡迎退休人士「入行」

【扮工收風】霸氣老闆逼員工銷假退機票

【扮工收風】你有無同事經常推job

保安未必怕失業