使用條款 | 私隱政策

【老師熱話】學生情緒要搵出口

呢兩日教育界其中一個熱話,就係唔畀罷課嘅學校,學生情緒被壓抑點算,話說有位老師在「老師心聲」爆料,佢遇到以下情況:

上上下堂,飛咗隻雀仔入班房,
學生們議論紛紛,想救隻雀仔出去。
期間有個學生講咗句:
「開窗啦,等佢飛出去。」

隔咗陣,隻雀飛走咗,
大家先發現其中一個同學係度偷偷喊緊。
問佢咩事又唔講。

後尾社工接手,先問到原來係個句「開窗」出事。

該名留言者認為,如果學校連校內表達意見都唔畀,學生訴求可以「成功地」壓下來,但心理同情緒呢?其實根本搵唔到出口。

有老師回應:「學校應該是最安全的地方, 俾學生表達抒發意見」

有網民就希望:「希望各校能安排活動讓學生嘅情緒得到正當嘅宣洩」

其實從過往數據顯示,每逢開學初,呢兩個月,因為新生適應校園新生活關係,本身都係學生壓力爆煲高峰期,老師要加倍留神,以佢哋俗語形容,就係「做到成隻狗咁」。

如今除了開學,放學又要睇新聞直播,負面情緒長期漲滿,真係唔知幾時會爆。當然,老師壓力,相對學生壓力,係無咁易爆咁解。

小編朋友任教的學校,嚟緊都有學生聯校組「人鏈」表達訴求,老師們都非常緊張。

朋友話,呢段時間,最近要多同身邊人傾計,同學仔之間傾計,老師同學生傾計釋放壓力,都非常重要,以免悲劇再次重演。記得,大家都多啲同人傾,唔好再收收埋埋。

來源:老師心聲/圖片:viutv《教束》劇照

===================

19網輕鬆爆料熱線,歡迎舉報老細同事19惡行,立即click入去講畀我哋知啦

最近的19+幾樣野

如果今日老細請食月餅⋯

【扮工收風】內地工作文化來港

【扮工災難】辦公室小野終於出事

【扮工收風】同事跳槽唔講去向 上司散水餅都唔食

【扮工收風】明知中秋早放 又約開會

【熱話】家庭主婦提問:外傭應否減薪

【扮工收風】為偷懶假傳聖旨:「老細話你哋負責」

【熱話】年輕人的15K人生

【扮工收風】全職同事走晒 Freelance被走數

【老師熱話】學生情緒要搵出口