使用條款 | 私隱政策

【扮工收風】下屬whatsapp group鬧老細

新一代絕對係食咗豹子膽,周圍燃起火頭,最慘係搞著其他同事要幫手撲火,都咪話唔煩。 

話說朋友公司,為咗方便同事向老闆上司匯報工作,所以老闆就開咗個whatsapp groupadd晒所有同事,但平時如非必要,大家都唔會喺個whatsapp group留言,因為實在太多大老闆,講錯一句嘢都死。 

就係早排老闆搵咗個後生同事去搞投標,後生同事堅稱老闆用開嗰套proposal過時,要整過份,但老闆堅持project好細單,唔使擺太多心力落去、而且唔夠時間,求其改幾粒字就交咗佢,加上佢報價又亂報,簡單啲來講,即係「唔貼市」,好明顯凶多吉少。 

最後果然fail咗,老闆本身都順其自然冇咩反應,估唔到係呢位有份參與搞標書嘅後生同事就好唔忿氣,仲上去whatsapp group大鬧老闆判斷錯誤,仲話唔怪得公司長期都食老本,開唔到新客源。 

其他同事食完花生之後,都要出招安撫老闆,因老闆性格小器又要面子,咁樣俾人當面批評,佢條氣又邊順呢!依家同事留名等睇老闆幾時郁手炒人呀。 

世事就係咁,做細嘅講啱晒,都未必會有好結果。

===================

19網輕鬆爆料熱線,歡迎舉報老細同事19惡行,立即click入去講畀我哋知啦

最近的19+幾樣野

【扮工收風】收工後上司奪命追魂

上班族十大「謊言」

【扮工收風】有公司唔做appraisal

【熱話】消防請救護 頂薪7萬

【扮工收風】洋人上司有樣嘢唔好⋯

香港大學生要返深圳面試?

【扮工收風】兩公婆做老師係人生贏家

【發叔轉行】行山教練好唔好做?

【扮工收風】升職要重新考筆試面試

【扮工收風】呢個時勢仲要每人買$400禮物?