以下個案，大家評評理，你覺得邊個慘啲。

話說有打工仔上網開post話，結婚差唔多一年，同住先發現原來老公生活係咁hea：

「少少上進心都冇，日日準時收工返到屋企就坐係梳化打機，星期六日又係打機，夜晚就睇波咁。我同佢講，不如你放左工搵啲嘢進修，好過係屋企無所事事打機，之後佢就話我破壞佢本來既生活，同我一齊好大壓力咁」

據了解個老公中學畢業去英國讀書，讀完回流，做緊份幾萬蚊office工，好好彩有父幹，結婚時有外父買私樓。

老婆角度：

• 日日梳化打機
• 星期六唔出街
• 有時仲要睇波
• 唔肯再進修
• 份工無得再上

但唔少網友就覺得，性格係咁好難改變；日日打機，可能係對方喺公司遇到好大壓力，作為另一半應該了解下職場壓力，而唔係只識批評。

而有打工仔就覺得，有私樓、月入幾皮、冇不良嗜好，同埋準時返屋企，根本係「荀盤」嚟，反而如果有上進心，老公隨時日日都唔返屋企，得不償失。

如果你問小編，play hard也work hard，只不過古往今來，真係好多打工仔俾「上進心」三個字累死，破壞自己嘅生活。就好似上面個案咁，上進完，想要啲乜嘢生活？可能都係日日坐梳化打機～～

來源：香討

19網輕鬆爆料熱線，歡迎舉報老細同事19惡行，立即click入去講畀我哋知啦