使用條款 | 私隱政策

【扮工收風】洋人上司有樣嘢唔好⋯

洋人上司有好有唔好。最好嗰樣當然係自由,就好似從來同事去邊都唔過問,只要交足功課,一般都唔會出聲。之但係唔好嘅位係,唔夠親民同世故,連想屈佢請餐節日飯都難。 

女性朋友「服侍」開啲洋人上司,平時好少聽佢講上司壞話,每日去邊,只要口頭上同上司交代一句,緊急場合唔好失咗蹤令佢孭鑊就得。 

但最近朋友終於忍唔住開口數佢上司嘅不是。

就係因為佢個洋人上司唔識入鄉隨俗,冇好似其他team head咁,識得自動自覺請食節日飯,好似聖誕大餐、團年飯、除夕飯等。 

連同事開到口叫佢請,佢竟然都get唔到,仲一句話:「呢啲無得開公數。」然後轉頭就走。 

好多人都話,跟得洋人上司,節日習俗就睇開啲啦。之但係朋友抱怨,無理由連thanksgiving呢啲西方節日,佢都唔識做。佢最後結論係覺得,唔關人種事,只係呢位上司暗底姑寒。 

===================

19網輕鬆爆料熱線,歡迎舉報老細同事19惡行,立即click入去講畀我哋知啦

最近的19+幾樣野

【扮工收風】收工後上司奪命追魂

上班族十大「謊言」

【扮工收風】有公司唔做appraisal

【熱話】消防請救護 頂薪7萬

【扮工收風】洋人上司有樣嘢唔好⋯

香港大學生要返深圳面試?

【扮工收風】兩公婆做老師係人生贏家

【發叔轉行】行山教練好唔好做?

【扮工收風】升職要重新考筆試面試

【扮工收風】呢個時勢仲要每人買$400禮物?