使用條款 | 私隱政策

【熱話】消防請救護 頂薪7萬

放完假,一朝早睇下有無筍工,就睇到消防處出post請人,仲有埋片介紹工作內容。

今次請嘅係救護主任,有學位,流利粵語同英語就可以申請,睇人工由起point 34825元到70970元,真係唔少錢,又勝在穩定。

今後兩年經濟差,入行就一定係優先諗公務員。

咁到底救護主任係做乜嘅呢?工作內容包括

  • 主管救護站
  • 執行與訓練救護員相關職務
  • 指揮和領導救護車隊員在緊急事故中提供送院前護理服務和執行救護職務
  • 執行管理和行政工作,例如員工管理、質素保證、救護車隊管理、資源管理、社區關係和策劃職務
  • 出動處理緊急召喚

至於其他條件都係嗰啲,例如須受紀律約束,隨時要輪班,而試用期為三年。

之不過,份工筍唔筍,似乎打工仔就唔多關心,反而個焦點去咗,救護主任係唔係「隸屬警察」?質問需唔需要,俾其他部門指指點點?

老實講,無論做邊行,俾其他部門點,都一樣係幾乞人憎,好多時都係班主管傾好,美其名合作,實質總有一個部門唔妥,會覺得被欺壓。可能因為咁,網民先咁關心到底係邊個「話事」吧?申請前,真係問清楚啲好…

來源:消防處fb

===================

19網輕鬆爆料熱線,歡迎舉報老細同事19惡行,立即click入去講畀我哋知啦

最近的19+幾樣野

【扮工收風】收工後上司奪命追魂

上班族十大「謊言」

【扮工收風】有公司唔做appraisal

【熱話】消防請救護 頂薪7萬

【扮工收風】洋人上司有樣嘢唔好⋯

香港大學生要返深圳面試?

【扮工收風】兩公婆做老師係人生贏家

【發叔轉行】行山教練好唔好做?

【扮工收風】升職要重新考筆試面試

【扮工收風】呢個時勢仲要每人買$400禮物?